लघुन्यास:
।ॐ अथात्मानग्ं शिवात्मानग्ं श्री रुद्ररूपं ध्यायेत् ।
शुद्ध स्फटिक संकाशं त्रिनेत्रं पंचवक्त्रकम् ।
गंगाधरं दशभुजं सर्वाभरण भूषितम् ।।
नीलग्रीवं शशांकांकं नाग यज्ञोपवीतिनम् ।
व्याघ्र चर्मोत्तरीयं च वरेण्यमभयं प्रदम् ।।
कमंडल् वक्ष सूत्राणां धारिणं शूलपाणिनम् ।
ज्वलंतं पिंगळजटा शिखामुद्योत धारिणम् ।।
वृषस्कंध समारूढं उमादेहार्ध धारिणम् ।
अमृतेनाप्लुतं शांतं दिव्यभोग समन्वितम् ।।
दिग्देवता समायुक्तं सुरासुर नमस्कृतम् ।
नित्यं च शाश्वतं शुद्धं ध्रुवं अक्षरं अव्ययम् ।।
सर्वव्यापिनं ईशानं रुद्रं वै विश्वरूपिणम् ।
एवं ध्यात्वा द्विजस्स्म्यक् ततो यजनमारभेत् ।।
अथातो रुद्र स्नानार्चनाभिषेक विधिं व्याख्यास्याम: ।
आदित एव तीर्थे स्नाना उदेत्य शुचि: प्रयतो
ब्रह्मचारी शुक्लवासा देवाभिमुख:
स्थित्वा आत्मनि देवता: स्थापयेत् ।।
प्रजनने ब्रह्मा तिष्ठतु ।
पादयोर्विष्णु: तिष्ठतु ।
हस्तयोर्हर: तिष्ठतु ।
बाह्वोरिन्द्र: तिष्ठतु ।
जठरे अग्नि: तिष्ठतु ।
हृदये शिव तिष्ठतु ।
कण्ठे वसव: तिष्ठन्तु ।
वक्त्रे सरस्वती तिष्ठतु ।
नासिकयोर्वायु: तिष्ठतु ।
नयनोश्चन्द्रादित्यौ तिष्ठेताम् ।
कर्णयोरश्विनौ तिष्ठेताम् ।
ललाटे रुद्रा: तिष्ठन्तु ।
मूर्धन्यादित्या: तिष्ठन्तु ।
शिरसि महादेव: तिष्ठतु ।
शिखायां वामदेव: तिष्ठतु ।
पृष्ठे पिनाकी तिष्ठतु ।
पुरत: शूलि तिष्ठतु ।
पाश्वर्यो: शिवाशंकरौ तिष्ठेतां ।
सर्वतो वायु: तिष्ठतु ।
ततो बहि: सर्वतो अग्निज्र्वालामाला परिवृत: तिष्ठतु ।
सर्वेश्वंगेषु सर्वा देवता यथास्थानं तिष्ठन्तु ।
माग्ं रक्षन्तु ।।
अग्निर्मे वाचि श्रित: । वाग्धृदये । हृदयं मयि । अहममृते ।
अमृतं ब्रह्मणि ।
वायुर्मे प्राणे श्रित: । प्राणो हृदये । हृदयं मयि । अहममृते ।
अमृतं ब्रह्मणि ।
सूर्यो मे चक्षुषि श्रित: । चक्षुर्हृदये । हृदयं मयि । अहममृते ।
अमृतं ब्रह्मणि ।
चन्द्रमा मे मनसि श्रित: । मनो हृदये । हृदयं मयि । अहममृते ।
अमृतं ब्रह्मणि ।
दिशो मे श्रोत्रे श्रिता: । श्रोत्रग्ं हृदये । हृदयं मयि । अहममृते ।
अमृतं ब्रह्मणि ।
आपो मे रेतसि श्रिता: । रेतो हृदये । हृदयं मयि । अहममृते ।
अमृतं ब्रह्मणि ।
पृथिवी मे शरीरे श्रिता: । शरीरग्ं हृदये । हृदयं मयि ।
अहममृते । अमृतं ब्रह्मणि ।
ओषधिवनस्पतयो मे लोमसु श्रिता: । लोमानि हृदये । हृदयं
मयि । अहममृते । अमृतं ब्रह्मणि ।
इन्द्रो मे बले श्रित: । बलग्ं हृदये । हृदयं मयि । अहममृते ।
अमृतं ब्रह्मणि ।
पर्जन्यो मे मूध्र्नि श्रित: । मूर्धा हृदये । हृदयं मयि । अहममृते
। अमृतं ब्रह्मणि ।
ईशानो मे मन्यौ श्रित: । मन्युर्हृदये । हृदयं मयि । अहममृते ।
अमृतं ब्रह्मणि ।
आत्मा म आत्मनि श्रित: । आत्मा हृदये । हृदयं मयि ।
अहममृतं । अमृतं ब्रह्मणि ।
पुनर्म आत्मा पुनरायुरागात् ।
पुन: प्राण: पुनराकूतमागात् ।
वैश्वानरो रश्मिभिर्वावृधान: ।
अन्त: तिष्ठत्वं अमृतस्य गोपा: ।।
अस्य श्री रुद्राध्याय प्रश्न महामन्त्रस्य
अघोर ऋषि: ।
अनुष्टुप् छन्द: ।
संकर्षण मूर्ति स्वरूपो योसावादित्य: परमपुरुष: स एष रुद्रो
देवता ।
नम: शिवायेति बीजं ।
शिवतरायेति शक्ति: ।
महादेवायेति कीलकम् ।
श्री साम्ब सदाशिव प्रसाद सिध्द्यर्थे जपे विनियोग: ।
ॐ अग्निहोत्रात्मने अंगुष्ठाभ्यां नमः ।
दर्शपूर्ण मासात्मने तर्जनीभ्यां नम: ।
चातुर्मास्यात्मने मध्यमाभ्यां नम: ।
निरूढ पशु बन्धात्मने अनामिकाभ्यां नम: ।
ज्योतिष्टोमात्मने कनिष्ठिकाभ्यां नम: ।
सर्व क्रत्वात्मने करतल करपृष्ठाभ्यां नम: ।।
अग्निहोत्रात्मने हृदयाय नम: ।
दर्शपूर्ण मासात्मने शिरसे स्वाहा ।
चातुर्मास्यात्मने शिखायै वषट् ।
निरूढ पशु बंधात्मने कवचाय हुं ।
ज्योतिष्टोमात्मने नेत्रत्रयाय वौषट् ।
सर्व क्रत्वात्मने अस्त्राय फट् ।
भूर्भुवस्सुवरोमिति दिग्बंध: ।।
ध्यानम्
आपाताळ नभ: स्थलांत भुवन ब्रह्मांड माविस्फुर
ज्ज्योति: स्फाटिक लिंग मौळि विलसत्पूर्णेन्दु वान्तामृतै: ।
अस्तोकाप्लुत मेक मीश मनिशं रुद्रानुवाकांजपन्
ध्याये दीप्सित सिद्धये ध्रुवपदं विप्रोभिषिंचे - च्छिवम् ।।
ब्रह्माण्ड व्याप्त देहा भसित हिम रुचा भासमाना भुजंगै: ।
कण्ठे काला: कर्पदाकलित शशिकला - श्चण्डकोदण्ड हस्ता:
।।
त्र्यक्षा रुद्राक्षमाला: प्रकटितविभवा: शाम्भवा मूर्तिभेदा ।
रुद्रा: श्रीरुद्रसूक्त: प्रकटितविभवा न: प्रयच्छन्तु सौख्यं ।।
ॐ गणानां त्वा गणपतिग्ं हवामहे
कविं कवीनाम् उपमश्रवस्तमम् ।
ज्येष्ठराजं ब्रह्मणां ब्रह्मणस्पत
आ न: शृण्वन् नुतिभिस्सीद सादनम् ।।
ॐ महागणपतये नम: ।।
।। शान्तिपाठ: ।।
शं च मे मयश्च मे प्रियं च मे ऽनुकामश्च मे
कामश्च मे सौमनसश्च मे भद्रं च मे श्रेयश्च मे
वस्यश्च मे यशश्च मे भगश्च मे द्रविणं च मे
यन्ता च मे धर्ता च मे क्षेमश्च मे धृतिश्च मे
विश्वं च मे महश्च मे संविच्च मे ज्ञात्रं च मे
सूश्च मे प्रसूश्च मे सीरं च मे लयश्च म
ऋतं च मे अमृतं च मे यक्ष्मं च मे नामयच्च मे
जीवातुश्च मे दीर्घायुत्वं च मे ऽनमित्रं च मे अभयं च मे
सुगं च मे शयनं च मे सूषा च मे सुदिनं च मे ।।
।। ॐ शान्ति: शान्ति: शान्ति: ।।
laghunyas