श्री गणपतीचा पाळणा
जो जो जो जो रे गजवदना । पतीतपावना ।
जो जो जो जो रे गजवदना । पतीतपावना । निद्रा करि बाळा गजवदना । मुत्युंजय नदंना ॥धृ॥
पाळणा बांधियला जाडिताचा । पालख या सोन्याचा ।
चांदवा लाविला मोत्यांचा । बाळ निजवी साचा ॥१॥
दोर धरुनिया पार्वती । सखियांसह गीत गाती ।
नानापरी गुण वर्णाती । सुस्वर आळवीती ॥२॥
निद्रा लागली सुमुखाला । सिंदुर दैत्य आला ।
त्याते चरणाने ताडिला । दैत्य तो मारिला ॥३॥
बालक तान्हे हे बहुकारी । दैत्य वधिले भारी ।
करिती आश्चर्य नरनारी । पार्वती कोण उतरी ॥४॥
ऎसा पाळणा गाईला । नानापरी आळविला ।
चिंतामणि दास विनविला । गणनाथ निजविला ॥५॥
जो जो जो जो रे गजवदना । मयुरेश्वर सुखवदना ।
जो जो जो जो रे गजवदना । मयुरेश्वर सुखवदना ।
निद्रा करि बाळा एकरदना । सकळादी गुणसगुणा ॥धृ॥
गंडस्थळ शुन्डा ते सरळी । सिदुंर चर्चुनि भाळी ।
कानी कुंडले ध्वजजाळी । कौस्तुभ तेज झळाळी ॥१॥
पालख लावियला कैलासी । दाक्षयणिचे कुशी ।
पुत्र जन्मला हॄषकेशी । गौरिहाराचे वंशी ॥२॥
चौदा विद्यांचा सागर । वरदाता सुखसागर ।
दुरिते निरसिली अपार । विष्णूचा अवतार ॥३॥
लंबोदर म्हणता दे स्फुर्ति । अद्भुत ज्याची किर्ती ।
जीवनसुत अर्ची गुणमुर्ती । सकळिक वांछा पुरती ॥४॥
ganpati palana