श्री कृष्णाचा पाळणा
जो जो जो जो रे सुकुमारा ।
जो जो जो जो रे सुकुमारा । दत्तात्रया अवतारा ॥धृ॥
कमलासन विष्णू त्रिपुरारी । अत्रिमुनीचे घरी ।
सत्त्व हरु आले नवल परी । भ्रम दवडिला दुरी ॥१॥
प्रसन्न त्रिमूर्ति होऊनी । पुत्रत्वा पावुनि ।
हर्ष झालासे त्रिभुवनी । राहे ॠषिचे सदनी ॥२॥
पहिल्या दिवशी जन्मले बाळ कळस सोन्याचा देते डहाळ
कृष्ण जन्मला कंसाचा काळ
जो बाळा जो जो रे जो |१|
दुसऱ्या दिवशी दुसरा रंग
रूप सावळे गोरस रंग
जसा झळकतो आरस्याचा भिंग
जो बाळा जो जो रे जो |२|
तिसऱ्या दिवशी आनंद मोठा
सिता सावित्री बायांनो उठा
खारीक खोबरं साखर वाटा
जो बाळा जो जो रे जो |३|
चवथ्या दिवशी बोलली बाई
अनुसयेने वाजवली टाळी
कृष्ण जन्मला यमुना स्थळी
जो बाळा जो जो रे जो |४|
पालख बांधविला सायासी । निर्गुण ऋषिचे वंशी ।
पुत्र जन्माला अविनाशी । अनसूयेचे कुशी ॥३॥
षट्दश नामासी आधार । दत्तात्रय अवतार ।
कृष्णदासासी सुख थोर । आनंद होतो फार ॥४॥
पाचव्या दिवशी सटवाई चा वेढा
लिंबू नारळ देवीला फोडा
तान्ह्या बाळाची दृष्ट गं काढा
जो बाळा जो जो रे जो|५|
सहाव्या दिवशी कलीचा मारा
राधाकृष्णाला घालती वारा
चला यशोदा आपुल्या घरा
जो बाळा जो जो रे जो|६|
सातव्या दिवशी सटवीचा महाल
तेथे सोनेरी मंडप लाल
यशोदा मांडीवर श्रीकृष्ण डोलं
जो बाळा जो जो रे जो|७|
आठव्या दिवशी अटकी चा थाट
भुलल्या गवळणी तिनशे साठ
श्री कृष्णाची पाहतात वाट
जो बाळा जो जो रे जो|८|
नवव्या दिवशी नववीचा खंड
तान्या बाळा ने घेतला छंद
'वासुदेवाचा सोडवावा बंध
जो बाळा जो जो रे जो |९|
दहाव्या दिवशी दहावीची रात
"तेहतीस कोटी देव मिळून येती उतरून
टाकती माणिक मोती
जो बाळा जो जो रे जो |१०|
अकराव्या दिवशी नारद बोले
देवा तुम्ही हो किती झोपले
मथुरा नगरीत देवकीचे हाल
जो बाळा जो जो रे जो |११|
बाराव्या दिवशी बाराचं नारी
पाळणा बांधीला यशोदा घरी
त्याला लाभली रेशमी दोरी
जो बाळा जो जो रे जो |१२|
तेराव्या दिवशी बोलली बाळी
श्री कृष्ण जन्मला यमुना तळी
गवळणी संगे लावीतो खळी
जो बाळा जो जो रे जो |१३|
चौदाव्या दिवशी तोफा गर्जती
शंकर पार्वती नंदी वर येती
बाळाच्या डोळ्यात काजळ घालती
जो बाळा जो जो रे जो |१४|
पंधराव्या दिवशी नौबत वाजे
श्रीकृष्णावरती घातला साज
यशोदा मातेला आनंद आज
जो बाळा जो रे जो |१५|
सोळाव्या दिवशी सोहळा केला
गुरु महाराज विद्या बोलला
श्रीकृष्णाचा पाळणा गायीला
जो बाळा जो जो रे जो |१६|
|| समाप्त ||
बाळा जो जो रे कुळभूषणा । श्रीनंदनंदना ।
बाळा जो जो रे कुळभूषणा । श्रीनंदनंदना ।
निद्रा करि बाळा मनमोहना । परमानंदा कृष्णा ॥धृ॥
जन्मुनि मथुरेत यदुकुळी । आलासी वनमाळी ।
पाळणा लांबविला गोकुळी । धन्य केले गौळी ॥१॥
बंदिशाळेत अवतरुनी । द्वारे मोकलुनी ।
जनकशृंखला तोडुनी । यमुना दुभंगोनी ॥२॥
मार्गी नेतांना श्रीकृष्णा । मेघनिवारणा ।
शेष धावला तत्क्षणा । उंचावूणी फणा ॥३॥
रत्नजडित पालख । झळके आमोलिक ।
वरती पहुडले कुलतिलक । वैकुंठनायक ॥४॥
हालवी यशोदा सुंदरी । धरुनी ज्ञानदोरी ।
पुष्पे वर्षिली सुरवरी । गर्जति जयजयकारी ॥५॥
विश्वव्यापका यदुराया । निद्रा करी बा सखया ।
तुजवरि कुरवंडी करुनिया । सांडिन मी निज काया ॥६॥
गर्ग येऊनी सत्वर । सांगे जन्मांतर ।
कृष्ण परब्रह्म साचार । आठवा अवतार ॥७॥
विश्वव्यापी हा बालक । दृष्ट दैत्यांतक ।
प्रेमळ भक्तांचा पालक । श्रीलक्ष्मीनायक ॥८॥
विष पाजाया पूतना । येता घेईल प्राणा ।
शकटासुरासी उताणा । पाडिल लाथे जाणा ॥९॥
उखळाला बांधता मातेने । रांगता श्रीकृष्ण ।
यमलार्जुनांचे उद्धरण । दावानव प्राशन ॥१०॥
गोधन राखिता अवलिळा । कालिया मर्दीला ।
दावानल वन्ही प्राशील । दैत्यध्वंस करी ॥११॥
इंद्र कोपता धांवून । उपटील गोवर्धन ।
गाईगोपाळा रक्षून । करीन भोजन ॥१२॥
कालींदीतीरी जगदीश । व्रजवनितांशी रास ।
खेळुनि मारील कंसास । मुष्टिक चाणुरास ॥१३॥
ऎशी चरित्रे अपार । दावील भूमीवर ।
पांडव रक्षील सत्वर । ब्रह्मानंदी स्थिर ॥१४॥
krushna palana