श्री कालिका षोडशोपचार पूजा
पुनः सङ्कल्पम् –
पूर्वोक्त एवं गुण विशेषण विशिष्टायां शुभ तिथौ श्री कालिका परमेश्वरी अनुग्रह प्रसाद सिद्धिद्वारा सर्वशत्रुबाधा शान्त्यर्थं, मम सर्वारिष्ट निवृत्त्यर्थं, सर्वकार्य सिद्ध्यर्थं, श्री कालिका परमेश्वरी प्रीत्यर्थं ध्यान आवाहनादि षोडशोपचार पूजां करिष्ये ॥
ध्यानम् –
शवारूढां महाभीमां घोरदंष्ट्रां हसन्मुखीं
चतुर्भुजां खड्गमुण्डवराभयकरां शिवाम् ।
मुण्डमालाधरां देवीं ललज्जिह्वां दिगम्बरां
एवं सञ्चिन्तयेत्कालीं श्मशानालयवासिनीम् ॥ १ ॥
या कालिका रोगहरा सुवन्द्या-
-र्वश्यैः समस्तैर्व्यवहारदक्षैः ।
जनैर्जनानां भयहारिणी च
सा देवमाता मयि सौख्यदात्री ॥ २ ॥
या माया प्रकृतिशक्तिश्चण्डमुण्डविमर्दिनी ।
सा पूज्या सर्वदेवैश्च ह्यस्माकं वरदा भव ॥ ३ ॥
ओं श्रीकालिका देव्यै नमः ध्यायामि ।
आवाहनम् –
आगच्छ वरदे देवि दैत्यदर्पनिषूदिन ी ।
पूजां गृहाण सुमुखि नमस्ते शङ्करप्रिये ॥
ओं श्रीकालिका देव्यै नमः आवाहयामि ।
आसनम् –
अनेकरत्नसम्युक्तं नानामणिगणान्वितम् ।
कार्तस्वरमयं दिव्यमानसं प्रतिगृह्यताम् ॥
ओं श्रीकालिका देव्यै नमः सुवर्णसिंहासनं समर्पयामि ।
पाद्यम् –
गङ्गादि सर्वतीर्थेभ्यो मया प्रार्थनयाऽऽहृतम् ।
तोयमेतत्सुखस्पर्श पाद्यर्थं प्रतिगृह्यताम् ॥
ओं श्रीकालिका देव्यै नमः पादयोः पाद्यं समर्पयामि ।
अर्घ्यम् –
गन्धपुष्पाक्षतैर्युक्तमर्घ्यं सम्पादितं मया ।
गृहाण त्वं महादेवि प्रसन्ना भव सर्वदा ॥
ओं श्रीकालिका देव्यै नमः हस्तयोः अर्घ्यं समर्पयामि ।
आचमनीयम् –
आचम्यतां त्वया देवि भक्तिर्मे ह्यचलां कुरु ।
ईप्सितां मे वरं देहि परत्र च परां गतिम् ॥
ओं श्रीकालिका देव्यै नमः मुखे आचमनीयं समर्पयामि ।
पञ्चामृत स्नानम् –
पयोधधि घृतं क् षौद्रं सितया च समन्वितम् ।
पञ्चामृतमनेनाद्य कुरु स्नानं दयानिधे ॥
ओं श्रीकालिका देव्यै नमः पञ्चामृतस्नानं समर्पयामि ।
स्नानम् –
जाह्नवीतोयमानीतं शुभं कर्पूरसम्युतम् ।
स्नापयामि सुरश्रेष्ठे त्वां पुत्रादि फलप्रदान् ॥
ओं श्रीकालिका देव्यै नमः शुद्धोदकस्नानं समर्पयामि ।
स्नानानन्तरं शुद्धाचमनीयं समर्पयामि ।
वस्त्रम् –
वस्त्रं च सोमदैवत्यं लज्जायास्तु निवारणम् ।
मया निवेदितं भक्त्या गृहाण परमेश्वरी ॥
ओं श्रीकालिका देव्यै नमः वस्त्रं समर्पयामि ।
उपवस्त्रम् –
यामाश्रित्य महामाया जगत् सम्मोहिनी सदा ।
तस्यै ते परमेशानि कल्पयाम्युत्तरीयकम् ॥
ओं श्रीकालिका देव्यै नमः उपवस्त्रं समर्पयामि ।
आभरणम् –
स्वभाव सुन्दराङ्गार्थे नानाशक्त्याश्रिते शिवे ।
भूषणानि विचित्राणि कल्पयाम्यमरार्चिते ॥
ओं श्रीकालिका देव्यै नमः आभरणानि समर्पयामि ।
गन्धम् –
परमानन्द सौभाग्य परिपूर्ण दिगन्तरे ।
गृहाण परमं गन्धं कृपया परमेश्वरि ॥
ओं श्रीकालिका देव्यै नमः गन्धं समर्पयामि ।
कुङ्कुमम् –
कुङ्कुमं कान्तिदं दिव्यं कामिनी कामसम्भवम् ।
कुङ्कुमेनार्चिते देवि प्रसीद परमेश्वरि ॥
ओं श्रीकालिका देव्यै नमः कुङ्कुमं समर्पयामि ।
सिन्दूरम् –
सिन्दूरमरुणाभासं जपाकुसुमसन्निभम् ।
पूजितासि महादेवि प्रसीद परमेश्वरी ॥
ओं श्रीकालिका देव्यै नमः सिन्दूरं समर्पयामि ।
कज्जलम् –
चक्षुभ्यां कज्जलं रम्यं सुभगे शक्तिकारिके ।
कर्पूरज्योतिरुत्पन्नं गृहाण परमेश्वरि ॥
ओं श्रीकालिका देव्यै नमः कज्जलं समर्पयामि ।
हरिद्रा –
हरिद्रारञ्जिते देवि सुखसौभाग्यदायिनि ।
तस्मात्त्वं पूजयाम्यत्र सुखशान्तिं प्रयच्छ मे ॥
ओं श्रीकालिका देव्यै नमः हरिद्राचूर्णं सम र्पयामि ।
परिमल द्रव्याणि –
चन्दनागरु कर्पूरं कुङ्कुमं रोचनं तथा ।
कस्तूर्यादि सुगन्धांश्च सर्वाङ्गेषु विलेपये ॥
ओं श्रीकालिका देव्यै नमः नानाविध परिमल द्रव्याणि समर्पयामि ।
सौभाग्य सूत्रम् –
सौभाग्यसूत्रं वरदे सुवर्णमणिसम्युते ।
कण्ठे गृहाण देवेशि सौभाग्यं देहि मे सदा ॥
ओं श्रीकालिका देव्यै नमः सौभाग्य सूत्रं समर्पयामि ।
अक्षतान् –
रञ्जिता कुङ्कुमौघेन अक्षताश्चापि शोभनाः ।
ममैषां देवि दानेन प्रसन्नाभवमीश्वरी ॥
ओं श्रीकालिका देव्यै नमः अक्षतान् समर्पयामि ।
पुष्पमाला –
सुरभिं पुष्पनिचयैर्ग्रथितं शुभमालिकाम् ।
ददामि तव शोभार्थं गृहाण परमेश्वरि ॥
ओं श्रीकालिका देव्यै नमः पुष्पमालान् समर्पयामि ।
पुष्पाणि –
मन्दार पारिजातादि पाटली केतकानि च ।
जाती चम्पक पुष्पाणि गृहाण परमेश्वरी ॥
ओं श्रीकालिका देव्यै नमः पुष्पाणि समर्पयामि ।
बिल्वपत्रम् –
अमृतोद्भव श्रीवृक्षो महादेवि प्रियः सदा ।
बिल्वपत्रं प्रयच्छामि पवित्रं ते सुरेश्वरी ॥
ओं श्रीकालिका देव्यै नमः बिल्वपत्रं समर्पयामि ।
अथ अष्टोत्तरशतनाम पूजा –
धूपम् –
दशाङ्ग गुग्गुलं धूपं चन्दनागरु सम्युतम् ।
समर्पितं मया भक्त्या महादेवि प्रगृह्यताम् ॥
ओं श्रीकालिका देव्यै नमः धूपमाघ्रापयामि ।
दीपम् –
घृतवर्तिसमायुक्तं महातेजो महोज्ज्वलम् ।
दीपं दास्यामि देवेशि सुप्रीता भव सर्वदा ॥
ओं श्रीकालिका देव्यै नमः दीपं दर्शयामि ।
नैवेद्यम् –
अन्नं चतुर्विधं स्वादु रसैः षड्भिः समन्वितम् ।
नैवेद्यं गृह्यतां देवि भक्तिर्मेह्यचलां कुरु ॥
ओं श्रीकालिका देव्यै नमः नैवेद्यं समर्पयामि ।
ऋतुफलम् –
द्राक्षा खर्जूर कदली पनसाम्रकपित्यकम् ।
नारिकेलेक्षुजम्ब्वादि फलानि प्रतिग ृह्यताम् ॥
ओं श्रीकालिका देव्यै नमः ऋतुफलं समर्पयामि ।
आचमनीयजलम् –
कामारिवल्लभे देवि कुर्वाचमनमम्बिके ।
निरन्तरमहं वन्दे चरणौ तव चण्डिके ॥
ओं श्रीकालिका देव्यै नमः नैवेद्यानन्तरं आचमनीयजलं समर्पयामि ।
ताम्बूलम् –
एलालवङ्ग कस्तूरी कर्पूरैः सुष्ठुवासिताम् ।
वीटिकां मुखवासार्थमर्पयामि सुरेश्वरि ॥
ओं श्रीकालिका देव्यै नमः ताम्बूलं समर्पयामि ।
दक्षिण (स्वर्णं)-
पूजाफलसमृद्ध्यर्थं तवाग्रे स्वर्णमीश्वरि ।
स्थापितं तेन मे प्रीता पूर्णान् कुरु मनोरथान् ॥
ओं श्रीकालिका देव्यै नमः दक्षिणान् समर्पयामि ।
नीराजनम् –
नीराजनं सुमङ्गल्यं कर्पूरेण समन्वितम् ।
चन्द्रार्कवह्नि सदृशं महादेवि नमोऽस्तु ते ॥
ओं श्रीकालिका देव्यै नमः नीराजनं समर्पयामि ।
मन्त्रपुष्पम् –
ओं कालिकायै च विद्महे श्मशानवासिन्यै धीमहि तन्नोऽघ ोरा प्रचोदयात् ।
ओं श्रीकालिका देव्यै नमः मन्त्रपुष्पं समर्पयामि ।
प्रदक्षिण –
नमस्ते देवि देवेशि नमस्ते ईप्सितप्रदे ।
नमस्ते जगतां धात्रि नमस्ते भक्तवत्सले ॥
ओं श्रीकालिका देव्यै नमः आत्मप्रदक्षिण नमस्कारान् समर्पयामि ।
साष्टाङ्ग नमस्कारम् –
नमः सर्वहितार्थायै जगदाधार हेतवे ।
साष्टाङ्गोऽयं प्रणामस्तु प्रयत्नेन मया कृतः ॥
ओं श्रीकालिका देव्यै नमः साष्टाङ्ग नमस्कारान् समर्पयामि ।
क्षमा प्रार्थना –
अपराध सहस्राणि क्रियन्तेऽहर्निशं मया ।
दासोऽयमिति मां मत्वा क्षमस्व परमेश्वरि ॥
आवाहनं न जानामि न जानामि विसर्जनम् ।
पूजाविधिं न जानामि क्षमस्व परमेश्वरि ॥
मन्त्रहीनं क्रियाहीनं भक्तिहीनं परात्परे ।
यत्पूजितं मया देवि परिपूर्णं तदस्तु ते ॥
अनया मया कृतेन ध्यान आवाहनादि षोडशोपचार पूजनेन भगवती सर्वात्मिका श्री क ालिका परमेश्वरी सुप्रीता सुप्रसन्ना वरदा भवन्तु ॥
तीर्थप्रसाद ग्रहणम् –
अकालमृत्यहरणं सर्वव्याधिनिवारणम् ।
समस्तपापक्षयकरं मातृपादोदकं शुभम् ॥
ओं श्रीकालिका देव्यै नमः प्रसादं शिरसा गृह्णामि ।
विसर्जनम् –
इदं पूजा मया देवि यथाशक्त्युपपादिताम् ।
रक्षार्थं त्वं समदाय व्रजस्थानमनुत्तमम् ॥
ओं श्रीकालिका देव्यै नमः यथास्थानमुद्वासयामि ।
ओं शान्तिः शान्तिः शान्तिः ।
sri maha kali shodasopachara puja