श्री गणपती आरती

सुखकर्ता दुखहर्ता वार्ता विघ्नाची

ganapati aarati , sukhkrta dukhkarta

सुखकर्ता दु:खहर्ता वार्ता विघ्नाची ।
नुरवी पुरवी प्रेम कृपा जयाची ।
सर्वांगी सुंदर उटि शेंदुराची ।
कंठीं झळके माळ मुक्ताफळांची॥०१॥

जय देव जय देव जय मंगलमूर्ती ।
दर्शनमात्रें मनकामना पुरती ।।ध्रु।।

रत्नखचित फरा तूज गौरीकुमरा ।
चंदनाची उटी कुंकुमकेशरा ।
हिरे जडित मुगुट शोभतो बरा ।
रुणझुणती नुपुरें चरणी घागरिया ॥जय .॥॥०२॥

लंबोदर पीतांबर फणिवरबंधना ।
सरळ सोंड वक्रतुंड त्रिनयना ।
दास रामाचा वाट पाहे सदना ।
संकटी पावावें निर्वानीं रक्षावें सुरवंदना ।

जय देव जय देव जय मंगलमूर्ती ।
दर्शनमात्रे मनकामना पुरती ॥०३॥

तू सुखकर्ता तू दुःखहर्ता विघ्‍न विनाशक मोरया

tu sukhkrta dukhkarta

तूं सुखकर्ता तूं दुःखहर्ता । विघ्‍न विनाशक मोरया ।
संकटीं रक्षी शरण तुला मी। गणपती बाप्पा मोरया ॥०१॥

मंगलमूर्ती तू गणनायक। वक्रतुंड तू सिद्धिविनायक ।
तुझिया दारी आज पातलों। देई चित्त मज द्याया ॥०२॥

तूं सकलांचा भाग्य विधाता । तू विद्येचा स्वामी दाता ।
ज्ञानदीप उजळून आमुचा । निमवी नैराश्याला ॥०३॥

तूं माता तूं पिता जगीं या। ज्ञाना तूं सर्वस्व जगीं या ।
पामर मी, स्वर उणे भासती तुझी आरती गाया ॥०४॥

मंगलमूर्ति मोरया । गणपतीबाप्पा मोरयो ॥

गजानना श्रीगणराया आधी वंदू तुज मोरया

gajanana shri ganraya

गजानना श्रीगणराया ।
आधी वंदू तुज मोरया ॥
मंगलमूर्ती श्री गणराया ।
आधी वंदू तुज मोरया ॥०१॥

सिंदुर-चर्चित धवळे अंग ।
चंदन उटी खुलवी रंग ।
बघतां मानस होतें दंग ।
जीव जडला चरणी तुझिया ।
आधी वंदू तुज मोरया ॥०२॥

गजानना श्रीगणराया ।
आधी वंदू तुज मोरया ॥

गौरीतनया भालचंद्रा ।
देवा कृपेच्या तूं समुद्रा ।
वरदविनायक करुणागारा ।
अवघी विघ्नें नेसी विलया ।
आधी वंदू तुज मोरया ॥०३॥

गजानना श्रीगणराया ।
आधी वंदू तुज मोरया ॥

बाप्पा मोरया रे, बाप्पा मोरया रे

bappa moraya re

गणपती बाप्पा मोरया, मंगलमुर्ती मोरया ।
तूच सुखकर्ता तूच दुःखहर्ता ।
अवघ्या दीनांच्या नाथा ।
बाप्पा मोरया रे, बाप्पा मोरया रे ।
चरणी ठेवितो माथा ॥०१॥

पहा झाले पुरे एक वर्ष ।
होतो वर्षानं एकदा हर्ष ।
गोड अन्नाचा होतो रे स्पर्श ।
घ्यावा संसाराचा परामर्ष ।
पुऱ्या वर्षाची, साऱ्या दुःखाची ।
वाचावी कशी मी गाथा ॥०२॥

आली कशी पहा आज वेळ ।
कसा खर्चाचा बसावा मेळ ।
गूळ-फुटाणे खोबरं नि केळं ।
साऱ्या प्रसादाची केली भेळ ।
कर भक्षण आणि रक्षण ।
तूच पिता तूच माता ॥०३॥

नाव काढू नको तांदुळाचे ।
केले मोदक लाल गव्हाचे ।
हाल ओळख साऱ्या घराचे ।
दिन येतील का रे सुखाचे ।
देवा जाणुनि गोड मानुनि ।
द्यावा आशीर्वाद आता ॥०४॥

जय गणेश जय गणेश

jay ganesh jay ganesh jay ganesh deva जय गणेश जय गणेश,
जय गणेश देवा ।
माता जाकी पार्वती,
पिता महादेवा ॥

एक दंत दयावंत,
चार भुजा धारी ।
माथे सिंदूर सोहे,
मूसे की सवारी ॥