श्री संत तुकाराम महाराज आरती
प्रपंञ्चरचना सर्वहि भोगूनि त्यागिली
प्रपंञ्चरचना सर्वहि भोगूनि त्यागिली ।
अनुतापाचे ज्वाळी देहबुद्धि हरविली ।।
वैराग्याची निष्ठा प्रगटुनि दाखविली ।
अहंममता दवड्डुनि निजशान्ती वरिली ।। १ ।।
जय जयाजी सद्गुरु तुकया दातारा तारक तू सकळांचा जिवलग सोयरा ।। धृ ।।
हरिभक्तीचा महिमा विशेष वाढविला ।
विरक्त ज्ञानाचा ठेवा उघडुनि दाखविला ।।
जगदुद्धारालागीं उपाय सुचविला ।
निंदक दुर्जनाचा संदेह निरसीला ॥ धृ ॥ २ ॥
तेरा दिवस वह्या रक्षुनियां उदकीं ।
कोरड्याचि काढुनि दाखविल्या शेखी ।।
अपार कविताशक्ति मिणवुनि इहलोकीं ।
कीर्तन श्रवणे तुमच्या उद्धरति जन लोकीं ॥ धृ ॥ ३ ॥
आरती तुकारामा
आरती तुकारामा | स्वामी सद्गुरुधामा ||
सच्चिदानंद मूर्ती | पायी दाखवीं आम्हां || धृ ||
राघवें सागरांत | जैसे पाषाण तारिले ||
तैसे हे तुकोबाचे | अभंग उदकीं रक्षिले | आरती || १ ||
तुकितां तुलनेसी | ब्रम्ह तुकासी आलें ||
म्हणोनी रामेश्वरें | चरणी मस्तक ठेविलें || आरती तुकारामा || २ ||