श्री टेंबे स्वामी आरती
आरती भक्तीभावे करुनी, स्मरुया गुरु अंतःकरणी।।धृ।।
सद्गुरु तोची कृपामुर्ती, देत मज कवणाची स्फुर्ती।
त्रिभुवन अगाध गुरुमहिमा, कळेना निगमासही सीमा।
जेथे वाल्मीकी व्यास ऋषी थकले शक्य कसे मजसी.।
परी तो सदय गुरुराणा, वसतसे भक्तांच्या ध्याना।
तोची मती देत,मुका वदवित, पंगु गिरीचढत।
जयाची अतर्क्यही करणी, तयाच्या लागतसे चरणी ।।१।।
होतो अवनीला भार, कराया त्याचा परिहार।
जगाला करावया पुनीत, दत्तगुरु युगेयुगे येत।
चिरंतन परंपरा गुरुची, वहाते गंगा योगाची.।
ज्या गृही पतिव्रता नारी, प्रभुचा जन्म तिचे दारी।
नृसिंह सरस्वती, नाथ प्रभुती, सिद्धसांगती।
श्रीमद वासुदेव स्वामी, सतसंकल्पी गुरुवाणी।।२।।
पोळलो तिन्ह ही तापाने, बुडालो स्वकृत पापाने,।
षड्रिपु छळती सदाकाळी, मती मम नष्टभ्रष्ट झाली।
गेला जन्म फुकट गेला, असा हा निश्चय मनी झाला।
सद्गुरु सदा सर्वकाळ, माता होऊनी सांभाळ।
तुच माऊली, तुच सावली, बहुत तारली।
करावा सार्थ जन्म स्वामी, मज ह्रदयासी लावुनी ।।३।।
जयजय सद्गुरु सर्वेषा,शिष्य तारक परमेशा।
जन्मुनी ब्रह्मवर्त देशी, केले तप गंगे पाशी.।
घेऊनी सुखे चौथी दिक्षा, मानीले वेदाच्या पक्षा.।
होई अवतार मुळारंभ, वर्षीतो भक्तीचा मेघ।
भक्ती ऊधळीत, द्यान ऊजळीत, योग साधीत।
सद्गुरु वासुदेव स्वामी तयाच्या लागतसे भजनी।।४।।
जय जय वासूदेवा जय दत्तात्रेया
जय जय वासूदेवा जय दत्तात्रेया |।
माणगावी जन्मुनी करिसी बहुलीला || ध्रु ||
टेंब्येकुळी जन्मूनी होसी बहूगुणी।
अत्रीगोत्री होउनी, होसी निर्गुणी।
ज्योतिर्ज्ञानी होउनी कीर्ती पसरीसी।
सार्थ वेदा जाणुनी शिष्य पढवीसी || १ ||
जय जय वासूदेवा जय दत्तात्रेया |।
माणगावी जन्मुनी करिसी बहुलीला || ध्रु ||
शके सतराशे शहात्तर साली।
श्रावणमासी वद्य षष्ठी शुभकाली।
जन्मा येती वासूदेव या नामे।
भक्ता उद्धाराया बहुविध यत्ने || २ ||।
जय जय वासूदेवा जय दत्तात्रेया |।
माणगावी जन्मुनी करिसी बहुलीला || ध्रु ||
शके अठराशे छत्तीससाली।
आषाढातील शुद्ध प्रतिपदा दिवशी।
नाशिवंतदेहा सोडुनि हो जासी।
असंख्य भक्ता देउनि इच्छित हेतूसी || ३ ||।
जय जय वासूदेवा जय दत्तात्रेया।
माणगावी जन्मुनी करिसी बहुलीला || ध्रु ||
शके अठराशे अडतीससाली।
वैशाखातील शुद्ध द्वादशी दिवशी।
सुंदरवाडीग्रामी राहाण्या इच्छूनी।
गुप्तरूपे घेशी स्थान निर्मूनी || ४ ||।
जय जय वासूदेवा जय दत्तात्रेया |।
माणगावी जन्मुनी करिसी बहुलीला || ध्रु ||
साठी वर्षामाजी केल्या बहूलीला।
वैदिकधर्मासाठी देह झिझविला।
संन्यास घेऊनि धर्म रक्षीला।
आत्मज्ञानमार्ग भक्ता दावीला || ५ ||।
जय जय वासूदेवा जय दत्तात्रेया |।
माणगावी जन्मुनी करिसी बहुलीला || ध्रु ||
जाणुनि आयुर्वेदा रोगा दवडीसी।
योजुनि युक्तमंत्रा भूता बांधीसी।
ऐशा अनन्तलीला वर्णू मी किती।
बुद्धप्रेरक होउनि तूचि वर्णीसी || ६ ||।
जय जय वासूदेवा जय दत्तात्रेया |।
माणगावी जन्मुनी करिसी बहुलीला || ध्रु ||