श्री नवनाथांची आरती

जयदेव जयदेव जय श्रीनवनाथा ।

भक्तगण उद्धरी देऊन सिद्ध करा ।। धृ० ।।

मच्छिंद्र गोरख तैसे जालिंदरनाथ।

कानिफ गहिनीनाथ नागेशसहित ।

चर्पटि भर्तरी रेवण मिळुनी नवनाथ।

नवनारायण अवतार संत ।। जय० ।। १ ।।

भक्तिशक्ती बोधावैराग्यहित ।

तापत्रय ते हरिती स्मएकचित्त ।

नमने चरित्र पठणें दुरितांचा अंत ।

भक्तजनासी तारी नवनाथ खचित ।। जय० ।। २ ।।

इहपर साधुनि देति समस्त नवनाथ।

भूत समंधा प्रेता घालविती सत्य।

भक्तजनांचे पुरवा तुम्हीच संकल्प ।

कृपार्थ होता दावा सदानंदरूप ।। जय० ।। ३ ।।

दुःखी दीन दरिद्री लोकांना तारा।

देऊनि सुख संपत्ति मुक्ती दोहि करा।

स्मरण करावे आता नित्य नित्यनाथा ।

शरणागत मी तुमच्या पायी मम माथा । जय० ।। ४ ।।

नवनाथाचि आधार सकलांना आता ।

आरती ओवाळिता हरली भवचिंता ।

ब्रह्म सनातन शांति देई मम चित्ता।

शरण विनायक लोटांगण आता ।। जय० ।। ५ ।।

​

navnath aarati