सुन्दरकाण्ड षष्टितमः

॥ अङ्गदजाम्बवत्संवादः ॥

तस्य तद्वचनं श्रुत्वा वालिसूनुरभाषत ॥ १ ॥

अयुक्तं तु विना देवीं दृष्टवद्भिश्च वानराः ।

समीपं गन्तुमस्माभी राघवस्य महात्मनः ॥ २ ॥

दृष्टा देवी न चानीता इति तत्र निवेदनम् ।

अयुक्तमिव पश्यामि भवद्भिः ख्यातविक्रमैः ॥ ३ ॥

न हि नः प्लवने कश्चिन्नापि कश्चित्पराक्रमे ।

तुल्यः सामरदैत्येषु लोकेषु हरिसत्तमाः ॥ ४ ॥

तेष्वेवं हतवीरेषु राक्षसेषु हनूमता ।

किमन्यदत्र कर्तव्यं गृहीत्वा याम जानकीम् ॥ ५ ॥

तमेवं कृतसङ्कल्पं जाम्बवान्हरिसत्तमः ।

उवाच परमप्रीतो वाक्यमर्थवदर्थवित् ॥ ६ ॥

न तावदेषा मतिरक्षमा नो

यथा भवान्पश्यति राजपुत्र ।

यथा तु रामस्य मतिर्निविष्टा

इत्यार्षे श्रीमद्रामायणे वाल्मीकीये आदिकाव्ये सुन्दरकाण्डे षष्टितमः सर्गः ॥ ६० ॥

valmiki ramayan sundarakand adhyay 60