अष्टभैरव ध्यान स्तोत्रम्
असिताङ्गोरुरुश्चण्डः क्रोधश्चोन्मत्तभैरवः ।
कपाली भीषणश्चैव संहारश्चाष्टभैरवम् ॥
१) असिताङ्गभैरव ध्यानम् –
रक्तज्वालजटाधरं शशियुतं रक्ताङ्ग तेजोमयं
अस्ते शूलकपालपाशडमरुं लोकस्य रक्षाकरम् ।
निर्वाणं शुनवाहनं त्रिनयनमानन्दकोलाहलं
वन्दे भूतपिशाचनाथ वटुकं क्षेत्रस्य पालं शिवम् ॥ १ ॥
२) रुरुभैरव ध्यानम् –
निर्वाणं निर्विकल्पं निरूपजमलं निर्विकारं क्षकारं
हुङ्कारं वज्रदंष ्ट्रं हुतवहनयनं रौद्रमुन्मत्तभावम् ।
भट्कारं भक्तनागं भृकुटितमुखं भैरवं शूलपाणिं
वन्दे खड्गं कपालं डमरुकसहितं क्षेत्रपालं नमामि ॥ २ ॥
३) चण्डभैरव ध्यानम् –
बिभ्राणं शुभ्रवर्णं द्विगुणदशभुजं पञ्चवक्त्रं त्रिनेत्रं
दानञ्छत्रेन्दुहस्तं रजतहिममृतं शङ्खभेषस्यचापम् ।
शूलं खड्गञ्च बाणं डमरुकसिकतावञ्चिमालोक्य मालां
सर्वाभीतिं च दोर्भीं भुजतगिरियुतं भैरवं सर्वसिद्धिम् ॥ ३ ॥
४) क्रोधभैरव ध्यानम् –
उद्यद्भास्कररूपनिभं त्रिनयनं रक्ताङ्गरागाम्बुजं
भस्माद्यं वरदं कपालमभयं शूलं दधानं करे ।
नीलग्रीवमुदारभूषणशतं शन्तेशु मूढोज्ज्वलं
बन्धूकारुणवास अस्तमभयं देवं सदा भावयेत् ॥ ४ ॥
५) उन्मत्तभैरव ध्यानम् –
एकं खट्वाङ्गहस्तं पुनरपि भुजगं पाशमेकं त्रिशूलं
कपालं खड्गहस्तं डमरुकसहितं वामहस्ते पिनाकम् ।
चन्द्रार्कं केतुमाल ां विकृतिसुकृतिनं सर्पयज्ञोपवीतं
कालं कालान्तकारं मम भयहरं क्षेत्रपालं नमामि ॥ ५ ॥
६) कपालभैरव ध्यानम् –
वन्दे बालं स्फटिकसदृशं कुम्भलोल्लासिवक्त्रं
दिव्याकल्पैफणिमणिमयैकिङ्किणीनूपुरं च ।
दिव्याकारं विशदवदनं सुप्रसन्नं द्विनेत्रं
हस्ताद्यां वा दधानां त्रिशिवमनिभयं वक्रदण्डौ कपालम् ॥ ६ ॥
७) भीषणभैरव ध्यानम् –
त्रिनेत्रं रक्तवर्णं च सर्वाभरणभूषितम् ।
कपालं शूलहस्तं च वरदाभयपाणिनम् ।
सव्ये शूलधरं भीमं खट्वाङ्गं वामकेशवम् ।
रक्तवस्त्रपरिधानं रक्तमाल्यानुलेपनम् ।
नीलग्रीवं च सौम्यं च सर्वाभरणभूषितम् ।
नीलमेखसमाख्यातं कूर्चकेशं त्रिनेत्रकम् ।
नागभूषं च रौद्रं च शिरोमालाविभूषितम् ।
नूपुरस्वनपादं च सर्पयज्ञोपवीतिनम् ।
किङ्किणीमालिकाभूष्यं भीमरूपं भयावहम् ॥ ७ ॥
८) संहारभैरव ध्यानम् –
एकवक्त्रं त्रिनेत् रं च हस्तयो द्वादशं तथा ।
डमरुं चाङ्कुशं बाणं खड्गं शूलं भयान्वितम् ।
धनुर्बाण कपालं च गदाग्निं वरदं तथा ।
वामसव्ये तु पार्श्वेन आयुधानां विधं तथा ।
नीलमेखस्वरूपं तु नीलवस्त्रोत्तरीयकम् ।
कस्तूर्यादिनिलेपं च श्वेतगन्धाक्षतं तथा ।
श्वेतार्कपुष्पमालां च त्रिकोट्यङ्गणसेविताम् ।
सर्वालङ्कारसम्युक्तां संहारं च प्रकीर्तितम् ॥ ८ ॥
इति श्री अष्टभैरव ध्यान स्तोत्रम् ।
ashta bhairava dhyana stotram