श्री बगलामुखी कीलक स्तोत्रम्
ह्लीं ह्लीं ह्लीङ्कारवाणे रिपुदलदलने घोरगम्भीरनादे
ह्रीं ह्रीं ह्रीङ्काररूपे मुनिगणनमिते सिद्धिदे शुभ्रदेहे ।
भ्रों भ्रों भ्रोङ्कारनादे निखिलरिपुघटात्रोटने लग्नचित्ते
मातर्मातर्नमस्ते सकलभयहरे नौमि पीताम्बरे त्वाम् ॥ १ ॥
क्रौं क्रौं क्रौंमीशरूपे अरिकुलहनने देहकीले कपाले
हस्रौं हस्रौं स्वरूपे समरसनिरते दिव्यरूपे स्वरूपे ।
ज्रौं ज्रौं ज्रौं जातरूपे जहि जहि दुरितं जम्भर ूपे प्रभावे
कालि कङ्कालरूपे अरिजनदलने देहि सिद्धिं परां मे ॥ २ ॥
हस्रां हस्रीं च हस्रैं त्रिभुवनविदिते चण्डमार्तण्डचण्डे
ऐं क्लीं सौं कौलविद्ये सततशमपरे नौमि पीतस्वरूपे ।
द्रौं द्रौं द्रौं दुष्टचित्ताऽऽदलनपरिणतबाहुयुग्मत्वदीये ।
ब्रह्मास्त्रे ब्रह्मरूपे रिपुदलहनने ख्यातदिव्यप्रभावे ॥ ३ ॥
ठं ठं ठङ्कारवेशे ज्वलनप्रतिकृतिज्वालमालास्वरूपे
धां धां धां धारयन्तीं रिपुकुलरसनां मुद्गरं वज्रपाशम् ।
डां डां डां डाकिन्याद्यैर्डिमकडिमडिमं डमरुकं वादयन्तीं
मातर्मातर्नमस्ते प्रबलखलजनं पीडयन्तीं भजामि ॥ ४ ॥
वाणीं व्याख्यानदात्रीं रिपुमुखखनने वेदशास्त्रार्थपूतां
मातः श्रीबगले परात्परतरे वादे विवादे जयम् ।
देहि त्वं शरणागतोऽस्मि विमले देवि प्रचण्डोद्धृते ।
माङ्गल्यं वसुधासु देहि सततं सर्वस्वरूपे शिवे ॥ ५ ॥
निखिलमुनिनिषेव्यं स्तम्भनं सर्वशत्रोः
शमपरमिह नित्यं ज्ञानिनां हार्दरूपम् ।
अहरहरनिशायां यः पठेद्देवि कीलं
भवति परमेशो वादिनामग्रगण्यः ॥ ६ ॥
इति श्री बगलामुखी कीलक स्तोत्रम् ॥
sri bagalamukhi keelaka stotram