श्री दक्षिणामूर्ति स्तोत्रम् – २
ओं नमः प्रणवार्थाय शुद्धज्ञानैकमूर्तये ।
निर्मलाय प्रशान्ताय दक्षिणामूर्तये नमः ॥ १ ॥
ईश्वरो गुरुरात्मेति मूर्तिभेदविभागिने ।
व्योमवद्व्याप्तदेहाय दक्षिणामूर्तये नमः ॥ २ ॥
श्रीकैलासनिवासाय बालशीतांशुमौलये ।
मुनिभिः सेव्यमानाय दक्षिणामूर्तये नमः ॥ ३ ॥
सर्वज्ञाय त्रिणेत्राय शङ्कराय कपर्दिने ।
गङ्गाधराय शर्वाय दक्षिणामूर्तये नमः ॥ ४ ॥
प्रविलम्बित रुक्माभ जटामण् डलधारिणे ।
मुक्तायज्ञोपवीताय दक्षिणामूर्तये नमः ॥ ५ ॥
विन्यस्तसव्यगुल्फाय दक्षिणोरुपदेशके ।
नासाग्रन्यस्तनेत्राय दक्षिणामूर्तये नमः ॥ ६ ॥
स्निग्धकल्माषकर्षाय कारुण्यामृतसिन्धवे ।
स्मृतिमात्राघनाशाय दक्षिणामूर्तये नमः ॥ ७ ॥
कलशं चाक्षमालां च ज्ञानमुद्रां च पुस्तकम् ।
करैश्चतुर्भिर्दधते दक्षिणामूर्तये नमः ॥ ८ ॥
चिद्घनाय महेशाय वटमूलनिवासिने ।
सच्चिदानन्दरूपाय दक्षिणामूर्तये नमः ॥ ९ ॥
गुरवे सर्वलोकानां भिषजे भवरोगिणाम् ।
निधये सर्वविद्यानां श्रीदक्षिणामूर्तये नमः ॥ १० ॥
इति श्रीशङ्कराचार्य विरचितं श्री दक्षिणामूर्ति स्तोत्रम् ॥
टिप्पणि: ऊपर दिया गया स्तोत्र इस पुस्तक में उपलब्ध है ।
( पारायण ग्रन्थम् )
sri dakshinamurthy stotram 2