बिल्वाष्टकम्
त्रिदलं त्रिगुणाकारं त्रिनेत्रं च त्रियायुधं ।
त्रिजन्म पापसंहारं एकबिल्वं शिवार्पणम् ॥ १ ॥
त्रिशाखैः बिल्वपत्रैश्च अच्छिद्रैः कोमलैः शुभैः ।
तव पूजां करिष्यामि एकबिल्वं शिवार्पणम् ॥ २ ॥
कोटि कन्या महादानं तिलपर्वत कोटयः ।
काञ्चनं शैलदानेन एकबिल्वं शिवार्पणम् ॥ ३ ॥
काशीक्षेत्र निवासं च कालभैरव दर्शनं ।
प्रयागे माधवं दृष्ट्वा एकबिल्वं शिवार्पणम् ॥ ४ ॥
इन्दुवारे व्रतं स्थित्वा निराहारो महेश्वराः ।
न क्तं हौष्यामि देवेश एकबिल्वं शिवार्पणम् ॥ ५ ॥
रामलिङ्ग प्रतिष्ठा च वैवाहिक कृतं तधा ।
तटाकानिच सन्तानं एकबिल्वं शिवार्पणम् ॥ ६ ॥
अखण्ड बिल्वपत्रं च आयुतं शिवपूजनं ।
कृतं नाम सहस्रेण एकबिल्वं शिवार्पणम् ॥ ७ ॥
उमया सहदेवेश नन्दि वाहनमेव च ।
भस्मलेपन सर्वाङ्गं एकबिल्वं शिवार्पणम् ॥ ८ ॥
सालग्रामेषु विप्राणां तटाकं दशकूपयोः ।
यज्ञकोटि सहस्रस्य एकबिल्वं शिवार्पणम् ॥ ९ ॥
दन्ति कोटि सहस्रेषु अश्वमेध शतक्रतौ ।
कोटिकन्या महादानं एकबिल्वं शिवार्पणम् ॥ १० ॥
बिल्वाणां दर्शनं पुण्यं स्पर्शनं पापानाशनं ।
अघोर पापसंहारं एकबिल्वं शिवार्पणम् ॥ ११ ॥
सहस्रवेद पाठेषु ब्रह्मस्तापन मुच्यते ।
अनेक व्रतकोटीनां एकबिल्वं शिवार्पणम् ॥ १२ ॥
अन्नदान सहस्रेषु सहस्रोपनयनं तधा ।
अनेक जन्मपापानि एकबिल्वं शिवार्पणम् ॥ १३ ॥
बिल्वष्टकमिदं पुण्य ं यः पठेच्छिव सन्निधौ ।
शिवलोकमवाप्नोति एकबिल्वं शिवार्पणम् ॥ १४ ॥
bilvashtakam 2 in hindi